Sittande styre:

Leiar: Per Bjarte Reksten
Nestleiar: Ann-Kristin Helle Brandsøy

Styremedlemmer: Ørjan Rognsøy, Hilde Merete Didriksen Andersson, Jon Bjarne Korneliussen

Vara: Ole-Hermann Rognsøy og Eva Rognsøy
Kasserer: Ole-Hermann Rognsøy
Valkomité: Tom-Erik Bjørnsen, Jan Roar Rognsøy og Tore Bjørnsen

2024 har vore eit storstilt år der vi har fått utretta mykje. Prosjektet «Samlingsplass for barn og unge» vart endeleg starta opp og vi har no fått opp det store, nye leikeapparatet og støypt plate til den planlagde gapahuken. I tillegg er det montert opp to lysmaster til ballbingen med tilhøyrande solcelledrivne lamper. Området er dermed begynt å ta form og vil på sikt bli eit familievennleg område til glede for både fastbuande og tilreisande.

På moloa vart det gjort fleire tiltak med platting og benkar, stupebrett med landgang og ikkje minst skilt og livredningsbøye. Til slutt har helikopterplassen fått eit nytt strøk maling.

I Grendahuset er det og gjort fleire nødvendig oppgraderingar; på kjøkkenet er det malt både veggar og vinduskarmar, 2 nye varmepumper er på plass i bygget, i tillegg til gratis wifi, ny kodelås på hovuddøra og nytt oppgradert brannvarslingsanlegg. Det er og gjort ein del andre småting.

Alt i alt eit år med høg aktivitet!

ARRANGEMENT i 2024:

Barnas aktivitetsdag og taco/betasuppe i Påska, langfredag 29.03.24

På dagtid hadde vi aktivitet for barn, der det kom ca 45 barn, og kosa seg ilag. På ettermiddagen kom det ca 120 personer til taco/betasuppe. Overskot på denne dagen var ca 10.000 kr.

Basar 19.05.24

Hilde og Ann-Kristin arrangerte basar med kake og kaffi, overskot ca 22.000 kr.

Besøk 03.07.24

Florø Friluftsråd var ute med 14 personer til middag. Ann-Kristin stilt opp og laga alt klart til dei. Overskot ca 1.000 kr.

Øyadans 27.07.24

Steinar Bendiksen sin 70 årsdag vart ein fantastisk flott dag. Med 170 betalande gjester, nydeleg vær, musikk v/ Tore Leiren og tilhøyrande betasuppe og god drikke, vart det ein minnerik kveld. Per Bjarte og Ann-Kristin stod som hovudansvarleg for arrangementet. Overskot ca 90.000 kr. Overskotet vart øyremerka til prosjektet for uteområdet, noko som vart eit strålande bidrag. Steinar og Heidi betalte for band og båt til Florø på natta. Ein øyadans som gjekk helt strålande.

Blåtur 16.08.24

Torvmyrane skule var ute på blåtur, der Ann-Kristin sto for oppdekking og servering av koldtbord. Overskot ca 7.000 kr. Mykje flotte tilbakemeldingar og anbefalingar i etterkant.

Skalldyrfest 19.10.24

Arrangert av Per Bjarte, Jon Bjarne og Hilde Merete. Eit stort arrangement med over 100 personar påmelde til maten og endå fleire til dansen. Ein fantastisk kveld med god mat og flotte gjester. Gode tilbakemeldingar på arrangementet og sterkt ynskje om at dette skal skje igjen. Overskot ca 36.000 kr

SPONSORAR:

Med så høg aktivitet er vi heilt avhengig av gode støttespelarar og sponsorar. I 2024 har vi vore så heldige å få støtte frå følgjande aktørar:

– Heidi og Steinar Bendiksen – 300.000 kr til samlingsplass for barn og unge

– Equinor – 100.000 kr til samlingsplass for barn og unge

– Sparebankstiftinga Sogn og Fjordane – støtte på 25.000 til nye varmepumper

– Enivest – støtte på 20.000 kr til kjøp av 40 nye stoler

– Sverre W Monsen – sponsa bygdelaget med profilerte fleecejakker, forkle, piqueskjorter og vester.

– Sparebankstiftinga Sogn og Fjordane – støtte på 10.000 kr til dørlås og nytt brannvarslingssystem

– XL bygg – 10.000 kr til maling og malingsutstyr til kjøkkenet

– Korneliussen fisk og skalldyr – sponsa for 10.000 kr i krabbe og røykelaks til skalldyrfesten.

– Kinn Kommune – har donert 30 stoler

– Hurtigruta – Støtte til handel på nærbutikken – 5.000 kr

– Vestlandshus – sponsa bygdelaget med 2 nye ytterdører

– Flora Brannvernservice sponsa med brannsløkkingsapparat til moloa.

– Norsk Tipping Grasrotandel for 2024 utgjorde ca 34.000 kr

DUGNAD 2024

Alt vi jobbar med er basert på dugnad. Det er mange som stiller opp og står på. Både når vi inviterer til dugnad og på eigne initiativ. Det er utroleg flott å sjå det samholdet det gir øya og kva vi kan få til når vi jobbar saman.

Styret vil takke alle som ein for den imponerande innsatsen som blir lagt ned for å hjelpe. Det har vore eit travelt år, men no kan no vi sjå tilbake på alt vi har fått til. Saman.

Vi hadde ikkje klart det uten den fantastiske gjengen som stiller opp og tar ansvar. Tusen takk!

Helsing styret i Bygdelaget Havglimt